«Сал-серілер салған ән»
2018 жылы 20 сәуір күні сағат 17:00-де Ықылас атындағы халық музыкалық аспаптар музейінде ҚР мәдениет қайраткері, дәстүрлі әнші Әбуғазы Талғат Қазенұлының «Сал-серілер салған ән» атты шығармашылық кеші өтті.
Талғат Әбуғазы – «Асыл мұра», Н. Бекежанов, М. Бәпиұлы атындағы конкурстардың лауреаты, Ә. Қашаубаев, К. Әзірбаев атындағы сайыстардың ІІ орын иегері, «Сегіз қырлы» тележобасының, Ә. Найманбаев атындағы дәстүрлі ән орындаушылар байқауының бас жүлдегері, ҚР Мәдениет қайраткері.
Кеште әншінің шәкірттері – Асанбаева Айдана, Ақиқат Ақтілек, Әшімбекова Аяулым, Әлімжанов Ернар, Нұржан Мәулен өнер көрсетті.
Кеште Біржан салдың «Ләйлім», Шашубайдың «Аққайың», Қ. Бабақовтың «Кел шырқайық», халық әні «Ой көк» т.б. әндер шырқалды.
Кешке жиналған жұртшылық Талғат Әбуғазының шығармашылығымен жақынырақ танысып, керемет кештің куәсі болып қайтты.
